Het eiland

't Liékent kei-kwant
zô'n tropisch eiland
maar 't velt neet mei, want
't is heit

Al daag maar visse
En boéte pisse
En altiéd bisse
bezweit

In plaats van klage
met alle man
mak idderein d'r ônderein 't beste van
We kinne laeve
Wie geej beslis
En alle daag ein feesje gaeve
of 't vastelaovend is

't Liékent kei-kwant
zô'n tropisch eilandmaar
't velt neet mei, want
't is heit

Al daag maar visse
En boéte pisse
En altiéd bisse
bezweit

Ik mis 't aete
En ik d'n drank
Ik bin vergaete wie 't thoés ruuk op de gangk
Hald op met zumpe
En kiék good rônd
Verzamel alles waat van pas kump
Duchtig zweite is gezônd

't Liékent kei-kwant
zô'n tropisch eiland
maar 't velt neet mei, want
't is heit

Toch gaon we sjouwe
En same bouwe
Aan niej vertrouwe
't Is heit.Zoë heit.Ik zweit.

Nova Venlo,

refrein
Nova Venlo,Acta Agere,(doon waat al gedaon is)
Morge wint 't van vandaag
Nova Venlo, zulle weej waere
Steune de niejen tiéd dae zeker slaag

Griés is 't alde
Weg det waat waas
vas bliéve halde
Duit inkel d'n dwaas

Fiés alde tiéje
Niks aan gehad
Bring ôs ein nieje
Glanzende stad

refrein

De zee overwonnen

De vlakke stille ziéje
Leek enne waterwoestijn
En weej waare 'nt riéje
Op 'n zandscheep met veer bein

Maar toen kwame de golve
't Woort duuster in de lôch
't Gehuul van helle-wolve
Ôs scheep neet sterk genôg

1e refrein
Ik heb de ziéje euverwônne
't Waas ein duuvels duuster plan
det Neptunus had verzônne
En auk Wodan wis d'rvan

2e refrein
Ik heb de ziéje euverwônne
Ik bin gebaoge, neet gebars
D'n dônder klônk wie hônderd knônne
Maar ik wôn 't zelfs van Mars

't Waar water waat ik veulde
En ik zoog water allein
't Waas of de ziéje met mich speulde
De ziéje groët, en ik zoë klein

'k Woel baeterschap belaove
Ik hapde nao de lôch
Flink geworsteld, ik kwaam baove
Ik waar net sterk genôg

1e refrein
2e refrein

De gestolen fiets

Nao ‘t buize in de stad
Genne taxi vreej
‘k Heb mich enne fiets gejat
Maar niks is veilig heej

Ze hebbe ôs de fiets gebiets
Dae ik pas ein waek had
’t Waas enne gestrietsde fiets
En noow is-e gejat

De strietser dae um haet gestriets
Fiets rônd op enne fiets
Dae oéit door ôs al waas gebiets
Ein dubbelgestriets iets

Ze hebbe ôs de fiets gebiets
Dae ik pas ein waek had
’t Waas enne gestrietsde fiets
En noow is-e gejat

Lets nog nao de Koel gewaes
Roda-VVV
Dinks desse ’n fietske haes
Maar niks is veilig heej

Dit is Venlo

Dit waar ein kans um te vernieje
Ein gratis vers begin
Gen grens aan fantasieje
Die ôs beperke kin
De kans is gans vervlaoge
Weej hebbe um gehad
Belaoge en bedraoge
’t Waas net ôs alde stad

We woele ens waat anders
En zien opniej begos
Kiek ens heej, dit is Venlo
Neemus wet baeter
As ôs alde stad Venlo
Idderein haet d’r
Waat veur en waat taege
Dus…ja…

Kiek ens heej, Nova Venlo
Alles kos baeter
As ’t waas, in os Venlo
Idderein haet d’r
Waat veur en waat taege
D’r is zon, d’r is raege
Dus, ja…

We gaan

Pak de kôffers en de tasse
Wink, en laot nog einen traon
Spooj ôg, trek ôg noow de jas aan
Want we môtte gaon

Pak de tasse en de kôffers
Wink, en druëg de letste traon
Jung, weej zien pas echte bôffers
Want weej meuge gaon

‘k Heb de politiek veur ef vaarwel gezag
Maar as ik truuk bin griép ik gewoën opniej de mach
De krietjes laot ik heej
Mien bank is waeke vreej
En ik mis enne thoéswedstrijd van VVV-olé!

Ajuu tabé!

Ik dach ik heb vekansie, de gitaar blief thoés
Maar dao meneer de zenger zweijde met zien voés
’t Volk wilt meziek
Det neume weej ‘meziék’
En ik heb nauwelijks plaats veur miene make-upjes-grei, noow kiék!

Och erm, noow kiék!