De nieje zaal van de Maaspoort krieg de naam van Frans Boermans.
De nieje accommodatie van de Maaspoort in Venlo met 350 steul is in de 2e helft van 2013 klaor en zal nao ózze naamgaever waere geneump.

Dit is de website van ‘t Volkstheater Frans Boermans, geneump nao de, in 1999 euverleje, groeëte Limburgse teksdichter Frans Boermans. Weej zien 'n stichting zónder winsbejag met 't doel theaterveurstellingen in 't plaatselik dialek meugelik te make nao de ideeë van Frans Boermans.

• De ierste oètveuring in 2004 waas ‘t tenielstök "Heibel op 't Hetje" det zich aafspeulde in ein volksbuurt van Venlo umstreeks 1950. Speulers, regisseur en de minse achter de scherme brachte ein ónvergaetelik stök 17 kier op de planke in ‘t Citytheater de Avenue in Venlo.

• In 't naojaor van 2006 volgde de oètveuring "Nova Venlo" in de Maaspaort in Venlo. Wie reagere einkinnige en chauvinistische Venlonaere op 'n nieje en gevaorlike umgaeving.

• In 't naojaor van 2008 woort "Ze Kump" op de planke gebrach.'t Verhaol geit euver de Oranjevereiniging die eur jubileum viert.

• Ein speciale oètveuring waas in december 2009 en 2010 in de kepél van de Mutsaersstichting in Venlo met "Sjraar de Clochard" Ein in de kerssfeer geschreve stök van Frans Boermans.

• In november 2011 stónd "Heb geej ouk de Razzeldazzel" op stapel.Kroegbaas Nol Detillon veult zich krank, ouk zien klante hebbe allemaol wat. Dochter Francien vindt det zeej zich aanstelle en verzekeringsagent Kletskes haet 't juuste recept.

Volksteniel laef in Noord-Limburg, de veurstellinge zien meistal oetverkoch.

De productie wuurt meugelik gemak door instellinge en óndernemers die ein werm hert hebbe veur de volkscultuur.

Nova Venlo
Heibel
Ze kump!
Sjraar de clochard
De razzeldazzel

..........................
Deze website is geschreven in het Venloos, een van de Limburgse dialecten in het Nederlandse taalgebied.

In het Nederlands: