Sjraar de Clochard wuurt herhaold !

Welkóm op de website van ‘t Volkstheater Frans Boermans geneump nao de, in 1999 euverleje, groeëte Limburgse teksdichter Frans Boermans

Weej zien ein stichting zónder winsbejag met 't doel theaterveurstellingen in 't plaatselike dialek meugelik te make nao de ideeë van Frans Boermans.

• De ierste oètveuring in 2004 waas ‘t tenielstök "Heibel op 't Hetje" det zich aafspeulde in ein volksbuurt van Venlo umstreeks 1950. Speulers, regisseur en de minse achter de scherme brachte ein ónvergaetelik stök op de planke in ‘t Citytheater de Avenue in Venlo.

• In 't naojaor van 2006 volgde de oètveuring " Nova Venlo "in de Maaspaort in Venlo. Wie reagere einkinnige en chauvinistische Venlonaere op 'n nieje en gevaorlike umgeaving.De twieë veurstellinge ware zevetieën kier oètverkoch.

• In 't naojaor van 2008 woort"Ze Kump"op de planke gebrach.'t Verhaol geit euver de Oranjevereiniging die eur jubileum viert.Met ein derde serie veurstellinge in april 2009 waas de zaal 25 keer oètverkoch.

• Ein speciale oètveuring volgde in december 2009 en jannewari 2010 in de kepèl van de Mutsaersstichting in Venlo met " Sjraar de clochard ". Ein in de kerssfeer geschreve stök van Frans Boermans. Dertien kier eine volle kepél.

De productie wuurt meugelik gemak door instellinge en óndernemers die de volkscultuur ein werm hert toedrage.

Deze website is geschreve in 't Venloos, ein van de Limburgse dialekte in 't Nederlandse taalgebied. 't Venloos (behalve inkele ingezónde stökker en leedjes) is geschreve volges de "Spelling 2003" aangenaome door de Raod veur 't Limburgs.

De website in 't Nederlands

Vuuel laesplezeer en weej zeen óg gaer beej ein van ós volgende veurstellinge,