Taal: Nederlands Taal: Venloos (aktief)

Vraemp geld (2019)

Sjaak en Fanny zien tevreje met eur laeventje. De daag schuve zich aanein en d'r gebeurt weinig wao zeej zich drök euver hove te make. 't Is good zoeë. Ouk in eur femilie is 't kook en ei. Óch in iddere femilie is waal ens waat. Wao neet? Me haet zoeë zien eigenaardigheid maar dao is met te laeve. Zwaoger Ferdinand kin waal ens irritant euver kómme en schoeëndochter Laura zoel se mei en dan achter 't behang wille plekke, maar det is einmaol zoeë en zal neet flot verandere. Zeej zien gek met eur kleinkinder Daan en Sofie. Dao hebbe zeej alles veur euver. Dit vredig beeld wuurt erg verstoort as Sjaak de Duitse Lotto wint. Dan kómme d'r ónverwachte kante nao baove die se dao neet verwachs. Wie 'ne mins kin verandere!?! Sjaak viert ziene verjäördaag, maar veur det 't fees los bars plek hae iers de fietseband van zien kleindochter Sofie.

Locatie

De veurstellinge in 't jaor 2019 zien in Theater de Maaspoort in Venlo in de Frans Boermans-zaal.

Begintied

Begintied  ‘s aoves um 20.15 oor en de matinee um 15.00 oor.