Taal: Nederlands Taal: Venloos (aktief)

De Razzeldazzel (2011)

In november en december van 2011 kint geej met de oètveuring van de nieje productie, ónder regie van Marnix Mulder, weer 'ne aovend hertelik lache. De Mestreechtenaere Bèr Hollewijn en Huub Noten schreve in 1953 ’t nog altied actuele stök "Höb geer ouch zenewees?"

't Script woort in 't Venloos dialek geschreve door 't Volkstheater Frans Boermans en hit “Heb geej ouk de razzeldazzel?” Det is ouk de naam van ’t kefee wao-in ’t verhaol zich aafspeult. "Heb geej ouk de razzeldazzel ?" Is ein riechtige volkskemedie wao met 't Volkstheater weer truuk geit naor ‘t Hetje. Kefee De Razzeldazzel loog vruger op ’t Hetje en in ós stök aan de Maasstraot, midde op de nieje Maasboelevaar. De inrichting stamp nog oèt de jaore zestig.

Anna Dettilon, kasteleinsvrouw van kefee de Razzeldazzel haet ’t zwaor te stelle met eure man Nol. Hae veult zich al ‘n tiedje neet zoeë lekker. Hae krieg aanvalle van benauwdheid en steke op de bors. Hae haet ’t aan zien hertampulle, zoeë dink hae. Zelf veult Anna zich ouk neet good. Ouk eur stamgaste Ferd en Aleida Bazelmans hebbe waat ónder de leje. As Frits de posbesteller ‘ne bubbel aanval krieg is ’t leid dao. “Geej haolt óg maar wat in de kop” zaet Francien, dochter van Anna en Nol “Geej mak óg ónderein ‘ne dieke wiès ” meint ouk ziene vrind Harrie, en dae kin ’t weite want dae studeert. “Waat wets dich dao noow van wièsneus” zaet Nol, ”de zoels ’t zelf maar hebbe”. Vettig Netje, det te pas en te ónpas kump binnevalle, bekiek zich det en dink d’r zich ’t ziene van. ’t Vindt alles bes as ’t maar oppe tièd ‘ne borrel krieg. As Kletskes van Kletskes Assurantiën zaet det hae veur iddere kwaol ein oplossing haet, is de redding doeënbeej.

As geej wilt weite waat veur medicien dees krenktes kan genaeze, kóm dan kieke nao ‘Heb geej ouk de razzeldazzel?’.