Taal: Nederlands Taal: Venloos (aktief)

Heibel op 't Hetje (2004)

't Tenièlstök "Heibel op ’t Hetje" is de vertaling van "Passport to Pimlico",de theaterbewerking van de klassieke Ealing Film Comedy door Giles Croft

De verkorte inhald van dit stök kan as volg beschreve waere:

Ein sprankelende, volkskemedie, die gebaseerd is op de beroemde en geleefde gelièknamige Ingelse film oèt 1948. Dees kemedie woort geproduceerd door de fameuze Ealing Studios met nao-oorlogse sterre as Stanley Holloway (MY FAIR LADY) en Margaret Rutherford (de ónvergaetelike Miss Marple) in de houfrolle. ‘t Oorsprónkelike verhaol speult zich aaf in ‘t Lóndense volkswièk Pimlico wao de bewoeëners, nao ein ganse serie komische verwikkelinge en verwarringe, besloète um zich aaf te scheije van Ingeland en eine eige staat op te richte. Met alle gevolge van dien...

Ind jaore negetig volgde ein theaterbewerking van PASSPORT TO PIMLICO, die met vuuël succes opgeveurd woort in de groeëte Britse schouwburge. ‘t Verhaol haet ein dudelike actualiteitswaerd, gezeen de ‘taegekrachte’ die de globalisering en de oètbreiding van de Europese Unie oprup en de regelzuch op alle niveau’s van de samelaeving. ‘t Stök guuëf ‘t dialek in Nederland in dees vorm ein nie bestaonsrech.

"Volkstheater Frans Boermans" haet as ièrste op ‘t Europese vasteland , de rechte op dit stök weite te verwerve. De oètveuring zal dan ouk ein Nederlandse première waere.

‘t Stök zal in ‘t Venloos dialek waere opgeveurd en speult zich aaf op ’t Hetje.

‘t productie team

  • Frans Boermans jr
  • Hay van Hoorn
  • Peter Noten
  • Sef Peeters
  • Wiel Hermans
  • Wim Roeffen